വിഷയാടിസ്ഥാന ബോധവത്‌കരണ വിദ്യാഭ്യാസ പരിപാടി

വിളക്കാട്ടുപാടം ദേവസൂര്യ കലാവേദി ആൻഡ് പബ്ലിക് ലൈബ്രറിയിൽ വിഷയാടിസ്ഥാന ബോധവത്‌കരണ വിദ്യാഭ്യാസ പരിപാടി സംഘടിപ്പിച്ചു. തൃശ്ശൂർ നെഹ്രു യുവകേന്ദ്രയുടെ നേതൃത്വത്തിൽ ‘പരീക്ഷകളെയും അഭിമുഖങ്ങളെയും എങ്ങിനെ നേരിടാം’ എന്ന വിഷയത്തിൽ ഏകദിന സെമിനാർ നടത്തി.

 ഗുരുവായൂർ നഗരസഭാ ചെയർപേഴ്സൺ എം. രതി ഉദ്ഘാടനം ചെയ്തു. നെഹ്രു യുവകേന്ദ്ര ജില്ലാ കോ-ഓർഡിനേറ്റർ ജെ. അരിവരശു കാർത്തിക് അധ്യക്ഷനായി. ടി. ഭവദാസ് മാരാർ, ബാസ്റ്റ്യൻ ജോസ് എന്നിവർ ക്ലാസെടുത്തു.

 ബിന്ദു അജിത്ത്കുമാർ, കെ.ആർ. അനൂപ്, പ്രഭാകര മാരാർ, വേണു ബ്രഹ്മകുളം, ദേവൂട്ടി ഗുരുവായൂർ എന്നിവർ പ്രസംഗിച്ചു.